Wednesday, March 30, 2011

"ළඳුනේ"


අපේ රටේ,නමට කලා කාරයොයි සින්දුයි වැස්ස කාලේට මේරු එනවා වගේ එනවා යනවා නොවැ..ඔය අය අතර එද ඉඳන්ම තාමත් රසවිඳින්න පුලුවන් බොහොමයක් සින්දුත් තියෙනවනෙ..මේ කියන්න යන්නෙ ඒ වගෙ ගීතයක් ගැන..අපේ රට ගොඩාක් ගීත වලට ප්‍රේමය පාදක කරගන්නෙ  උනත් මේ ගීතයේ පද ලියැවිලා තියෙන්නෙ සමාජය කතාබහට ලක්විය යුතු මාතෘකවක් පිලිබඳව..මං මේ ගැන ලියන්න පොඩි වැඩිද මන්ද ඒත් මේ ගීතය ගැන වචනයක් ලියන්න කියලමයි මට හිතුනෙ..

"ලඳුනේ" ගීතය අමරසිරි පීරිස් කලාකරුවාණන්ගේ හඬින් ගැයෙන්නක්..ආදරයයි විරහවයි ගැන හතු පිපෙන්නා වගේ ගීත ලියවෙද්දි ගැඹුරු අර්ථයකින් යුක්තව ලිය වුන ගීතයක්..


"ළඳුනේ ළඳුනේ
ඔබේ දැස දැකගත්තෙමි
සැඳෑ කලෙක ළඳුනේ
දෙනෝ දහක් අත ගත්තද
සැමියෙකු නැති ළඳුනේ
නෑයින් නෑකම නොකියන
වීදි සරණ ළඳුනේ..


තෙල්මල් ගෙන දෝත පුරා
මුනිකුටියට පියමං වන
ඔබේ දෑස දැක ගත්තෙමි
සැඳෑ කලෙක ළඳුනේ..
බුදුන් දැක නිවන් දකිමැයි
දෙව් රම යන පාර අහන
ඔබද පටාචාරාවකී ඔබද කිසාගෝතමියකි..




පිරිමින්ගෙ පාප කඳට
දෝස විඳින ළඳුනේ
අඳුරේ පව් කරන දනා
එළියෙ ලවන ළඳුනේ
ළැම පමණක් ලොවට පෙනෙන
ළය නොපෙනෙන ළඳුනේ
කුහුඹුවකුට වරදක් නැති
වැරදිකාර ළඳුනේ

"ළැම පමණක් ලොවට පෙනෙන
ළය නොපෙනෙන ළඳුනේ.."
ගීතයෙ ගැඹුරු කම රැඳිල තියෙන්නෙ මේ තුල කියලයි පුංචි හිත කියන්නෙ..
ගැහැණියක් කියන කෙනා උත්තරීතර මව් පදවිය ලබන්න සොබාදහම නිර්මාණය කරපු කෙනෙක්..ඒත් මේ පදවැලෙන් කියවෙන තැනැත්තිය එයට වෙනස්..නමුත් කව් රුත් නොදකින ඇගේ හිත තුල මොන තරම් නම් දුක් කන්දක් ඇත්ද?අන්ත අසරණ කම නිසා තමන්ගෙ ඇඟ විකුණනවා මිස කැමැත්තෙන් මේ දේ කරන කෙනෙක් සොයගන්න වත් බැරි තරම්. පුවත් පත් වල තියෙන විවිධ සිදුවීම් දැකලයි පුංචි හිත මෙහෙම කිව්වෙ.


"කුහුඹුවකුට වරදක් නැති වැරදි කාර ලඳුනෙ"
මේ පද පේළියෙ තේරුම නම් පුංචි හිතට තේරුම් ගන්න බැරි උනා එකපාරටම.කොහොමද එහෙම වෙන්නෙ?අන්තිමට ඉතින් පිළිතුරක් හදාගන්න එපැයි..මෙන්න මෙහෙමයි..මේ තැනැත්තිය වරදක් කරගන්නෙ තමන්ට තමන්ගෙ ආත්මෙට නොවැ.පිරිමි අය වැරද්ද කරන්නෙ දැන දැනමනෙ..ඒක හින්දම වෙන්න ඇති මෙ වගෙ පද පේලියකුත් ලිය උනෙ
" පිරිමින්ගෙ පාප කඳට
දෝස විඳින ළඳුනේ”

ඉතින් සමාජයේ අඳුරු පැත්තක් ගැන ලිය උන මේ ගීතය ගැන කියද්දි නොකියම බැරි දෙයක් තියෙනවා..කොයිතරම් අසරණ උනත් පහත් තත්වයක නොවැටී ඉන්න එක වටිනවනෙ..ඒ වගෙම දැන දැන වැරදි කරන්නැතුව හොඳින් ජීවත් වෙන්නත් ඕනෙ.පුංචි හිත ප්‍රාර්ථනා කරන්නෙ ලස්සන හිත් තියෙන හොඳ අය ඉන්න රටක්..ඒ රට බිහිකරන්න පුලුවන් අපිටම විතරයි..ලිපිය කියවලා මේ ගැනත් හිතනවනම් ඒ මගෙ උත්සාහය ඵල දැරීමක් වෙවි..!

3 comments:

  1. niyamai nangi elama kiri....math mage blog eke oya wagema deyak liyuwa...mamanam me de liyuwe athatha karanayak nisa..mama hodatama danna deyak nisa...
    http://dileepas.blogspot.com/2011/03/blog-post_21.html poddak balannako nangiya

    ReplyDelete
  2. මමත් මේ සිංදුවට හරිම ආසයි... ඒකේ තියෙන්නේ හරිම ගැඹුරු අර්ථයක්... ඔයා ඒක ලස්සනට ලියලා තියෙනවා...

    ReplyDelete
  3. මමත් ආසයි ඔය සිංදුවට මේකත් අහල බලන්න​ http://www.youtube.com/watch?v=xc5TuxdLcng

    ReplyDelete

නොනිමි සිත් අහසට ආපු ඔයාලගේ අදහස් මතක ඇතුව සටහන් කරන්න..මෙන්න ඉඩක්